Friday, January 1, 2016

കാണ്മാനില്ല


എന്നെ കാണാനില്ലെന്ന
ആവാലതിയാണു് നിനക്ക്
ഒരു തക്കത്തിനു് ഞാൻ
ഓടി മറഞ്ഞെന്നും 
പറഞ്ഞു പറ്റിച്ചു ഒളിച്ചെന്നും
ആക്ഷേപം ചൊരിയുന്നു നീ
കാഴ്ചകൾ കാണാൻ
പ്രകൃതിയുടെ ഉയരങ്ങളിൽ 
കൂടെ വന്നെങ്കിൽ 
അതി ഗർത്തത്തിലേക്കു്
തള്ളിയിടുമായിരുന്നു
ഞാനെന്നു് നിന്റെ ആത്മഗതം
എന്നെ കാണാതായതിനെക്കുറിച്ചു്
എനിക്ക് മാത്രമുള്ള ചരിത്രപാഠം
എഴുതി വെയ്ക്കപ്പെട്ടതിങ്ങനെ
ഇറങ്ങുമ്പോളെത്രശാന്തമായിരുന്ന 
നിന്റെ കടലിലാണു്എന്നെ കാണാതായതു് .

5 comments:

  1. ഇടയ്ക്കിടെ കാണാതാവുന്നവർ

    ReplyDelete
  2. മനസ്സിലൊന്ന് തിരഞ്ഞ്‌ നോക്കാൻ പറയൂ ……………

    ReplyDelete
  3. വായനക്കാരെ ഇല്ലാത്ത ഈ കാലത്ത്‌ കമന്റ്‌ അപ്രൂവലിന്റെ ആവശ്യമുണ്ടോ???

    ReplyDelete
  4. വൃഥാ ആരോപണം മാത്രം.

    ReplyDelete
  5. ഒരോരോ ഭാവങ്ങളും,ധാരണകളും അല്ലേ എല്ലാം...
    ആശംസകള്‍

    ReplyDelete