പകിട്ടാര്‍ന്ന , മുഖകണ്ണാടി
പോലെയെല്ലാവിധ
പ്രതി ബിംബങ്ങളെയും
സൂക്ഷ്മമായി വരച്ചു കാട്ടും
ഇറ്റാലിയന്‍ മാര്‍ബിള്‍
പാകിയ, മനോഭിരാമമായ
ഡ്രായിംഗ് റൂമിലെ
മിന്നിത്തിളങ്ങുന്ന തറയില്‍
വൈക്കോലും, ഉണക്കപുല്ലും
ഇടയ്ക്കിടെ ഉതിര്‍ന്നു വീഴുന്നു,
അവള്‍ പതിവു പോലെ
പൂല്‍ക്കൂടൊരുക്കൂകയാണു് .
പുത്തനിരു നിലമാളികയുടെ
വെണ്ണക്കല്‍ തറയില്‍
വീണു ചിതറി കിടക്കുന്ന
വൃത്തി കേടുകളായതൊക്കെ
മമ്മിയുടെ ,
കോണ്‍ടാക്ട് ലെന്‍സുള്ള
ആധുനിക കണ്ണുകള്‍ക്ക്
ശകാര വര്‍ഷങ്ങളുടെ
ആഞ്ജകളേറ്റു വാങ്ങി
കാര്‍ പോര്‍ച്ചിനരികില്‍
അവള്‍ വീണ്ടും , പുല്ക്കൂടു്
കെട്ടിത്തുടങ്ങുമ്പോള്‍
കൂറ്റന്‍ ഗേറ്റിനു വെളിയില്‍
കരാള്‍ സംഘത്തിന്റെ
പാട്ടു മുഴങ്ങിത്തുടങ്ങി
മേരി ഹാഡ് ഏ
ബോയ് ചൈല്‍ഡ് ,
ബോണ്‍ ഓണ്‍
ക്രിസ്മസ് ഡേ...............
എല്ലാവര്‍ക്കും എന്റെ ക്രിസ്തുമസ് ആശംസകള്‍
